Edmond Sela, nga fshati Majtare në Dibër, është shoferi i autobusit, i cili dhunoi disa prej nxënësve që po udhëtonin në automjetin e tij dhe këta të fundit e filmuan duke e hedhur më pas videon në rrjetet sociale.
Pasi rasti u bë mediatik, policia bëri ndalimin e shoferit Sela, i cili ishte punësuar nga ministria e Arsimit për të bërë transportimin e fëmijëve nga shkolla e Majtarës në fshatin Burim.
Në polici ai ka deklaruar se kishte humbur kontrollin, pasi fëmijët kishin nisur të konsumonin duhan dhe po i digjnin sediljet e automjetit me targë AA 633 BO.
Ai u ka kërkuar disa herë të miturve ta hidhnin cigaren nga dritarja, por ata nuk kanë pranuar dhe madje kanë nisur të tallen me të.
Në këto kushte, shoferi thotë se ka ndaluar mjetin dhe ka qëlluar me shpulla fëmijët që nuk i janë bindur.
