Kandidati i foltores, Belind Këlliçi, duket e ka marrë seriozisht garën e tij në Tiranë. Ku ka angazhuar jo vetëm ekipe të ndarë në territor, por edhe njerëz që merren me komunikimin. Aspekt ku thënë të drejtën, Belind Këlliçi është i vëmendshëm dhe që rend pas ekspertizës.
Megjithatë fakti interesant sot ka qenë një shesh xhirimi i Belindit dhe ekipit në sheshin “Skënderbej”. Një vepër publike që realisht përbën një gur kilometrik mjaft shënjues për kryeqytetin.
Janë veprat publike që partia e Këlliçit jo vetëm i ka kundërshtuar, por i ka minuar, duke e kthyer Tiranën pas vitit 2005 në një shesh beteje politike, ku koston e vuajtën qytetarët.
Të gjithë e mbajnë mend rrëzimin e projektit të Sheshit “Skënderbej”, nga Lulzim Basha kur u zgjodh kryetar Bashkie në vitin 2011, kur kantieri pothuajse kishte bërë gjysmën e punës. Siç ndodhi në vitin 2006 me mbikalimin e Zogut të Zi, ku u rrëzua vetëm nga inati sepse po e bënte Edi Rama.
E në të dy rastet, sin ë Zogun e Zi, sin ë Shshin Skënderbej, situate u zgjidh me rrethrrotullime, siç ishte ai i Shqiponjës. E sot, Sheshi “Skënderbej” e nënkalimi i Unazës së Re të ish-Shqiponja janë dëshmi se si mund të ishte zgjidhur me kohë një aspekt i rëndësishëm urbanistik i Tiranës.
Që u ndërpre nga inati por edhe nga mungesa e vizionit. E kanë sharë dhe e shajnë shumë sheshin “Skënderbej” si Berisha por edhe mediat pranë tij, madje doktori publikoi një skulpturë duke kryer jashqitjen kur u inagurua sheshi. Por alternative e tij ishte linesi famëkeq që u kthye në anekdotë.
Po kështu, partia e Këlliçit mallkoi projektin e Liqenit, stadiumin Arena Kombëtare, Pazarin e ri, Kalanë e Tiranës etj, vepra që u realizuan në mandatet e kryebashkiakut Erion Veliaj, por kurrë nuk pati një ide apo vizion alternativ.
