Gazment Bardhi ka dhënë një intervistë për Çlirim Pekën, për të folur për vulën e PD-së.
Ai tha se njeriu më i mërzitur për marrjen e vulës nga Sali Berisha, ka qenë Edi Rama.
Bardhi tha se këtë ja kanë thënë burime të sigurta pranë Ramës.
“Njeriu më i mërzitur 48 orët e fundit në Shqipëri, pas vendimit të Apelit ka qenë Edi Rama.
Ne nuk kishim vetëm problemin e vulës, ne na ishte vënë në diskutim grupi parlamentar.
Pra, ne na thuhej se ju jeni 50 veta, janë 7 të tjerë dhe grupi parlamentar janë këta, ju 50 do duhet t’u bindeni këtyre të 7-tëve.
Dhe rezistenca jonë bëri që ne të fitojmë legjitimitetin në Kuvend. Dhe më pas erdhi vendimi i Gjykatës së Lartë që e zgjidhi çështjen.
Mua më vinin miq të mi, që ishin me Bashën, se u thoshte Basha, Gjykata e Lartë na e ka dhënë ne, dhe u thoja që mos dëgjoni çfarë thotë Basha.
3 paragrafë janë, dhe GJL e thoshte qartë, Apeli vetëm sa e ekzekutoi”, tha Bardhi.
Normalisht, duhet të mbash të qeshurën, kur dëgjon deklarata të tilla, se Edi Rama është njeriu më i mërzitur në vend, meqë Sali Berisha ka marrë vulën e PD-së.
