Kryeministrja e Italisë Giorgia Meloni është personi më i fuqishëm në Evropë sipas gazetës amerikane “Politico”.
“Nëse jeni Elon Musk njeriu më i pasur në botë dhe një këshilltar kyç i presidentit të zgjedhur të Shteteve të Bashkuara, Donald Trump numri i telefonit që duhet të telefononi është Giorgia Meloni”, thuhet në motivacionin për çmimin 2025.
Gazeta kujton hapat e parë në aventurën politike të Melonit, që nga militantizmi në “krahun rinor” të neofashizmit të Lëvizjes Sociale Italiane, që dalëngadalë vinte për të pushtuar qendrën e skenës politike.
“Që nga zgjedhja e saj në vitin 2022, kryeministrja italiane ka trajtuar politika për çështje të tilla si migrimi dhe të drejtat e LGBTQ+, të cilat dikur do të kishin tërhequr dënimin nga Brukseli. Meloni bëri bujë në mbarë botën kur u bë kryeministrja e parë femër e Italisë, por pak parashikuan se ajo do të zgjaste gjatë në detyrë”, vazhdon gazeta amerikane.
Gjatë dy viteve të fundit, Meloni e ka konsoliduar qeverinë e saj si një nga më të qëndrueshmet në Italinë e pasluftës.
