Protesta e 12 nëntorit është bërë objekt debati në emisionin e sotëm në “Open” në ‘News24’. Studiuesja e përkthyesja, Brizida Gjikondi tha se ajo ishte një protestë më regji, ndërsa kërkoi informacione se kush e pagoi faturën e atij organizimi, ndërsa dënoi ashpër mesazhin e opozitës përmes një reklame antiqeveritare, ku zhgaravitej flamuri.
Ajo tha se opozita në këtë rast kishte bërë vepër penale. Ndërkohë, ka ndërhyrë Alfred Lela, Drejtori i Zyrës së Komunikimit në PD, ndërsa tha se ishte një përthyerje artistike.
DEBATI
Gjikondi: Protesta është diçka që vjen nga populli. Mos të kishte axhendë, regji qendrore. Ju po e vrisni protestën me falsitete. Palët me rrotacion, janë të pandëshkueshëm. Dhe bëjmë hipokrizi. Ça proteste? Me
Berishën? Ai me Metën nuk delegjitimohen.
Berisha ka probleme brenda partisë së vetë. Kush e përballoi protestën? Regjinë, autobusët? Reklamat antikombëtare që bëtë me zhargaviten e flamurit, që është vepër penale?! Të bësh reklamë duke poshtëruar flamurin, është vepër penale. Ju mund ta bëni këtë.
Lela: Ju zemërohuni me instilacionin e kryeministrit me vlerë 4 mln euro. U irritokeni me instalacionin artistik që ishte sekuencë sekondëshe. Ishte përthyerje artistike.
Gjikondi: Kush i përballoi financiarisht këto shpenzime?
Lela: Do vij i përgatitur herë tjetër.
Gjikondi: Kush ju financuan? Oligarkët? Njerëz të lirë me regji qendrore? Ata iu bindën atyre që i thirrën.
