Gjykata e Tiranës ka marrë një vendim pas ankesë së TV News 24 pas evakuimit nga ndërmarrja shtetërore Kayo të materialeve të televizionit.
Shoqëria KAYO ka publikuar sot përgjigjen për kreun e grupit mediatik Focu, Irfan Hysenbelliun.
Sipas institucionit në fjalë, presidenti i News24 dhe disa mediave të tjera ka pranuar ta dorëzojë vullnetarisht ndërtesën, mirëpo kjo nuk ka ndodhur as pas 48 orëve të afatit.
Sipas shkresës “Materialet e gjetura brenda ambienteve, pas inventarizimit u dërguan pranë Rezervave të Shtetit, me adresë Rruga Bajram Tusha, pranë ish Gjykatës së Apelit, Shkozet, Durrës”
Administratori duhet të paraqitet personalisht pranë Rezervave të Shtetit si i vetmi person i autorizuar, për të marrë sa më parë sendet e gjetura dhe të inventarizuara në objekt. Kayo sh.a i ka bërë thirrje administratorit që t’i tërheqë të gjithë bazën materiale” – thotë shoqëria.
Siç bëhet e ditur në faqen e Gjykatës së Tiranës, gjyqtarja Alma Kodraliu ka marrë vendimin, ku pasi sqaron kontekstin dhe bën vërejtjes e saj shpall vendimin e mëposhtën që po e botojmë të plotë
Gjykata, bazuar në nenet 202, 206 të K. Pr. Civile,
VENDOSI:1. Pranimin pjesërisht të kërkesës.
2. Zyra e Përmbarimit Shtetëror është e detyruar që brenda 24 orësh nga marrja e vendimit të marrë masat që të kryejë identifikimin dhe inventarizimin e sendeve personale të gazetarëve të Shoqërisë “Fokus Media News” dhe t`i lejojë ata brenda këtij afati të marrin në dorëzim sendet, dokumentacionin, akte dhe dokumente elektronike qe ndodhen në kompjuterët e punës apo në ambientet e punës apo që ndodhen në ruajtje në Rezervat e .
3. Zyra e Përmbarimit Shtetëror është e detyruar që brenda 48 orësh të kryejë identifikimin dhe inventarizimin e sendeve të luajtshme dhe paisjeve të kërkuesit Shoqërisë “Fokus Media Neës” dhe sipas rastit t`i vendosë në ruajtje apo të lejojë kërkuesit t`i tërheqin.
4. Pushimin e gjykimit për kërkesat e tjera.
5. Kërkuesit, ose punonjësit e tyre, brenda 15 ditëve janë të detyruar të ngrenë padinë e themelit në lidhje me shpërblimin e dëmit.
