Një tjetër figurë e Partisë Demokratike ka shpërthyer me sulme të ashpra ndaj Lulzim Bashës, pas mbledhjes së Këshillit Kombëtar të partisë.
Përmes një mesazhi në rrjetet sociale, ish-kryekëshilltari i PD në Bashkinë e Tiranës, Leonard Olli, ka ironizuar mbledhjen e sotme, duke u shprehur se fabula i ka të gjitha kafshët e pyllit brenda nga dhelpra e deri te kafsha shtëpiake gomari, që sipas tij, u zgjodh mbret.
“Dhe të gjithë të lumtur shkojnë nga fitorja në fitorje… Fabula i ka të gjitha kafshët e pyllit brenda nga dhelpra e deri te kafsha shtëpiake gomari që u zgjodh mbret…. Eh La Fontain sa herët i parashikove të gjitha! Dikush do të thotë se ishte Ezopi që na lashtësi!!! Pa diskutim ai ishte i pari, po në shoqëri që kanë memorie, në ato të tjerat, pa kujtese, gjithçka fshihet si në rërë…. E rëndësishme është të ndjehet mirë mbreti Gomat….”, shkruan Olli.
