Ilir Meta qëndron pas akuzave ndaj Bujar Sheshit si spiun i Sigurimit, Presidenti nxiti Gentiana Sulën të nxirrte dosjen, por Sheshi pretendon se nuk është ai personi, kush mashtron do përfundojë në qeli, Monika lidhje të forta me burrin e Gentiana Sulës
Në Tiranë këto ditë është hapur një lojë e re burgu. Drejtuesja e Autoritetit për Informimin mbi Dokumentet e ish-Sigurimit të Shtetit (AIDSSH) Gentiana Sula ka dërguar në Prokurorinë e Përgjithshme një dokument, sipas të cilit prokurori Bujar Sheshi ka qenë spiun i ish-Sigurimit të Shtetit. Por, anëtari i KLP, Bujar Sheshi deklaron se nuk është ai personi në dokumentin që Gentiana Sula i ka çuar Arta Markut.
Për këtë arsye, Bujar Sheshi ka kallëzuar penalisht Gentiana Sulën.
Kjo e fundit thotë se verifikimi është i saktë dhe se Bujar Sheshi ka qenë spiun.
Kush ka gënjyer rrezikon 5 vite burg për falsifikim dokumentesh. Nëse Sheshi ka gënjyer rrezikon burgun.
Nëse ka gënjyer Gentiana Sula, kjo e fundit rrezikon burgun për falsifikim dokumentesh. Pas kësaj loje fshihet Ilir Meta. Meta ka nxitur Gentiana Sulën për të sulmuar Bujar Sheshin, pasi Bujar Sheshi i ka kërkuar Gjykatës së Lartë që të dënonte Ilir Metën me dy vite burg për videoskandalin me Dritan Priftin.
Gjykata e shpëtoi Metën me urdhër të Sali Berishës, por Metës nuk i ka dalë inati me Bujar Sheshin, i cili deshi ta çonte në qeli.
Nga ana tjetër, Ilir Meta ka lidhje të forta me Gentiana Sulën, për shkak se Monika Kryemadhi dhe burri i Gentiana Sulës kanë lidhje të forta në biznes.
Monika Kryemadhi ka pastruar paratë e korrupsionin, ndërsa ka lidhur kontrata për pallat me bashkëshortin e Gentiana Sulës, i cili është një biznesmen i fuqishëm.
Nëse Gentiana Sula ka gënjyer Prokurorinë e Përgjithshme, ajo do të merret nën hetim dhe për të shpëtuar nga burgu, duhet që të nxjerrë në skenë Ilir Metën, i cili dyshohet se është strumullari i kësaj zhurme me dosje dhe spiunë./Pamfleti
