Një lajm i rëndë vjen nga Elbasani, ku bëhet me dije se ka humbur jetën në një moshë shumë të re Zëvendës kryetari i Bashkisë së Elbasanit, Ervin Saraçi.
Zyrtari i lartë pësoi para disa ditësh një goditje cerebrale teksa ishte ne palestër ku u nis më pas me urgjencë në spital në kryeqytet dhe iu nënshtrua një operacioni të gjatë e të rëndë.
Ndonëse pas operacionit 37 vjecari u raportua në gjendje të qendrueshme, sot ai nuk e fitoi dot betejën me jetën. Të gjithë ata që e kanë njohur Ervinin do ta mbajnë mend si një djalë brilant, të qeshur dhe pozitiv.
Një person i angazhuar pas aktiviteteve fizike, një ndër anëtarët e shoqatës së Alpinizmit në Elbasan. Gati cdo fundjavë merrte pjesë në veprimtaritë e shoqatës , duke ngjitur disa nga malet dhe kodrat me të larta në vend, ndërsa pasditeve e gjeje në palestër.
Ervin Saraci kishte mbaruar studimet e larta për gjuhën Frenge në Elbasan , mandej kishte kryer Masterin Shkencat politike në Belgjike . Në vitin 2006-2007 punoi si mësues i gjuhës Frenge në Shkollën e Mesme të Përgjithshme në Peqin.
Në shtator të vitit 2011 -2013 iu besua Drejtimi i kabinetit të Kryetarit të bashkisë Elbasan. Në vitin 2013-2015 u emerua drejtor i drejtorisë së Kujdesit Social po në bashkinë Elbasan e më pas u rrit në detyrë, duke zënë postin e nënkryetarit të bashkisë, post të cilin e mbante deri tani. 37 vjecari ishte i martuar dhe babai i një djali 9-vjecar.
