Nga Rigels Seliman
Dy vitet e fundit duket se kanë rezultuar fatale për plot 4 personazhe të njohura. Sapo presidenti Ilir Meta i dekoroi, ata shkuan në botën e çudirave:
1-Legjenda e futbollit kosovar, Fadil Vokrri ka ndërruar jetë mëngjesin e 9 qershorit të vitit 2018 në Prishtinë. Pak kohë para se legjenda e futbollit kosovar të ndërronte jetë, presidenti Ilir Meta i dha shtetësinë shqiptare. Megjithatë, i ndjeri Vokrri nuk e gëzoi këtë privilegj, duke mbyllur sytë përgjithmon.
2-Artisti i madh i valleve, Rexhep Çeliku ka ndërruar jetë mëngjesin e 12 janarit të vitit 2018. Pak kohë para se të vdiste, valltari i njohur Çeliku u vlerësua nga presidenti Ilir Meta me dekoratën “Nderi i Kombit”. Fatkeqësisht, Çeliku ka ndërruar jetë pak ditë pasi u dekorua nga kreu i shtetit, duke mos e gëzuar dekoratën.
3- Gjenerali Rrahman Parllaku u nda nga jeta në moshën 100 vjeçare mbrëmjen e 16 shtatorit të këtij viti. Pak kohë para se gjeneral Parllaku të ndërronte jetë, president Ilir Meta i akordoi atij titullin “Nderi i Kombit”. Por për fat të keq, gjenerali nuk arriti ta gëzonte këtë titull.
4- Gani Mezini, ish-gjimnasti i mirënjohur vlonjat u vlerësua pak ditë më parë me titullin e lartë dhe dekoratën “Mjeshtër i Madh i Sportit” për kontributin e çmuar dhënë në vite në sportin e gjimnastikës, si mësues dhe qytetar i devotshëm dhe intelektual i spikatur i qytetit të Vlorës dhe Shqipërisë. Fatkeqësisht, Mezini ka ndërruar jetë sot, duke mos e gëzuar dekoratën.
Shpresojmë që të mos kenë të njëjtin fat, duke ndërruar jetë edhe shumë personalitet të tjera që janë dekoruar me tituj dhe medalje nga presidenti i Shqipërisë, Ilir Meta, sikundër janë presidentin i UEFA-s, Aleksandër Ceferin, i cili ka marrë titullin e lartë “Kalorës i Urdhrit të Skënderbeut”, si dhe zëvendëskryeministri i Kosovës, Behgjet Pacolli, i cili u dekorua sot me dekoratën e lartë “Nënë Tereza”, pasi do të realizojë projektin e bamirës për rindërtimin e banesave në Thumanë që u dëmtuan nga tërmeti i fuqishëm i 26 nëntorit. Pra, të gjitha këto raste tregojnë se presidenti Ilir Meta ka fuqi të mbinatyrshme, duke të çuar në botën tjetër. Thënë ndryshe, dekoratat e Ilir Metës të çojnë drejt vdekjes. Kështu që, mendohuni mirë para se t’i pranoni ofertat e presidentit Meta.