Disa detaje në dosjen e SPAK-ut tregojnë jo vetëm përmasat e frikshme të korrupsionit të Ilir Metës dhe Monika Kryemadhit, të cilët kanë përdorur pushtetin për t’u pasuruar, duke plaçkitur pasuritë publike, por edhe fiksimin e tyre pas luksit.
Biznesmeni S. M., porosit Monika Kryemadhin për të ndryshuar ligjin për minierat. Monika mundëson ndryshimet ligjore përmes Përparim Spahiut, por edhe me votat e Edi Ramës, i cili i linte dorën e lirë Ilir Metës për të vjedhur në këmbim të votave të LSI, të cilat e mbanin në pushtet 2013-2017.
Në këmbim të ndryshimit të ligjit dhe mbështetjes së kompanisë Plus të biznesmenit, përmes pupacit të tyre në krye të AKEP Piro Xhixho, Meta dhe Monika do të merrnin pasuri nga biznesmeni.
Monika Kryemadhi ia kishte vënë syrin katit të fundit të pallatit Ambasador 3. Monika viziton ambientet dhe bën gati planin për të përshtatur një shtëpi me vlerë miliona euro.
Por, tërhiqet pasi te Ambasador 3 ka shumë lëvizje dhe Metës nuk i përlqen për të rënë shumë në sy.
Më pas, Meta dhe Kryemadhi i hedhin sytë në Rolling Hills, për të marrë një vilë. Monika e informon për vilën. Meta ka vetëm një kusht: Kërkon që vila të ketë hamam dhe sauna.
Të dyja pasuritë, si Ambasador 3, ashtu edhe vilat në Rolling Hills janë të biznesmenit S. M.
Plani për vilën anulohet për shkak të dekonspirimit. Një ditë, ambasadori grek i thotë Ilir Metës se do të ishin komshinj në Rolling Hills, duke nënkuptuar se ishte informuar se Meta dhe Monika kishin nisur punimet te vila.
Ilir Meta tregon jetën në burg: Lahem me bidona
Ilir Meta u arrestua në tetor të vitit të kaluar me kërkesë të SPAK dhe vendim të GJKKO. Mbrëmë Meta dhënë një intervistë për “Ora News” ku ka pranuar se e kanë dënuar me 10 ditë në burg të mos marrë pjesë në aktivitete sportive. Shkak është bërë një intervistë e bërë me telefon jashtë orarit të përcaktuar.
Ai ka folur edhe për vështirësitë e qëndrimit prej 8 muajsh në burg. Meta tha se lahej me bidona në burg pasi uji vjen 1-2 orë në ditë. “Kjo nuk është sfidë për mua pasi unë kam problem kondicionerin dhe jo të nxehtin. Vërtet tani nuk ka ujë, këtu në mes të Tiranës edhe 12 vjet pas premtimit të Kryerilindasit, por kur vjen 1 ose 2 orë, mbushim bidonat për t’u larë”, tha Meta.
