Ish-anëtarja e Kryesisë së PD-së, Endira Bushati në një postim në rrjetet sociale ka reaguar në lidhje me takimin e zhvilluar ditën e sotme nga Lulzim Basha me përfaqsues të medias.
Bushati ka kritikuar Bashën i cili sipas saj nuk tha asgjë të re ne kete takim. Sipas Bushatit, problemin kryesor të medias në Shqipëri nuk e prek askush.
Më tej Bushati shkruan se në Kuvend PD-ja ka pasur komisionin e medias por nuk reagoi asnjëherë për shfuqizimin e nenit të 62 të ligjit të medias me ndërhyrje të pronarëve të Top Chanel dhe Tv Klan.
Postimi i plotë i Bushatit:
Përsëri… dhe asgjë të re!
Basha përsëri paska folur për lirinë e medias…e bëri dhe para 2-3 muajsh….
E lexova lajmin me vëmendje…
Asgjë e re!
Problemin kryesor, atë të medias të përqendruar në 2-3 duar, as nuk e prek fare….
Ka mbi 3 vjet që Gjykata Kushtetuese, nën lobimin e pronarëve të Klanit dhe Top Channel, shfuqizoi paragrafin e nenit 62 të ligjit të medias që ndalonte që një familje të kishte 100% të aksioneve në një licencë kombëtare….
Që, përsa kohë ishte në Kuvend, dhe PD kryesonte Komisionin e Medias, të ndërmerrte ndonjë amendim ligjor për këtë….as që bëhej fjalë….
Asnjë fjalë as për faktin që 4 nga 5 licencat kombëtare zotërohen nga aksionerët e Digitalbit, në kundërshtim me ligjin….
Asnjë fjalë për kompaninë fiktive ADTN që zotëron licencë kombëtare….ndër letra….se në fakt i përket Digitalbit….
Asnjë fjalë për AMA-n, gjyqtarët që dhanë vendimet, prokurorët që mbyllen dosjet etj etj etj….
As dhe një fjalë!
Revolucioni vazhdon!
Lufta ndaj oligarkëve po e po!
