Priten të bëhen publike për të gjithë rreth 4 mijë dokumente sekrete të Legjislaturës së XIII të Parlamentit Italian, që përkon me vitet 1996-2001. RTV Ora ka mësuar se mes tyre do të bëhen publike dhe aktet e një misioni special të Komisionit Parlamentar Italian të Antimafias, në vitin 2000, në Shqipëri.
“Rrezikojmë të njëjtin tmerr…”/ Erion Braçe thirrje urgjente të gjithë shqiptarëve: Mos keni frikë! Çohuni!
Çfarë po ndodh? Më shumë se 47 gradë celsius/ Greqia në alarm jo vetëm për zjarret, kryeministri apelon dhe lëshon thirrjen e fuqishme: Konsumoni sa më pak …
Varianti Delta/ Zëri i Amerikës zbardh detajet: E pashpjegueshme që nuk ka asnjë kontroll në …
Këto akte i përkasin Komitetit Antimafia të Krimit të Organizuar ndërkombëtar e përmbajnë audicione të ministrave shqiptarë e të magjistratëve shqiptarë mbi zgjedhjet në Shqipëri, të ndotura nga votat e krimit të organizuar shqiptar.
Për momentin këto audicione i përkasin vitit 2000 e vetëm pas publikimit zyrtar të këtyre akteve, që pritet të jetë i shpejtë, do të mund të zbardhen emrat e ministrave shqiptarë dhe të magjistratëve shqiptarë që kanë relatuar përballë parlamentarëve italianë.
Në vitin 2000 në Shqipëri janë zhvilluar zgjedhjet lokale, të cilat u fituan nga Partia Socialiste. që mori dhe Bashkinë e Tiranës.
Këto zgjedhje përkonin me dhjetë vjetorin e shembjes së regjimit komunist në Shqipëri e u akuzuan nga Partia Demokratike si zgjedhje të parregullta, “një farsë e turpshme e manipuluar” do të deklaronte ish kryeministri Sali Berisha.
Në vitin 2000 kryeministër i Shqipërisë ishte Ilir Meta e lider i Partisë Socialiste Fatos Nano.
Në mbledhjen e zhvilluar pak ditë më parë, Komisioni Antimafia i Parlamentit italian, vendosi deklasifikimin e të gjitha aktve të legjislaturës së XIII, rreth 4 mijë dokumente mes të cilave dhe këto akte të rralla, të këtij misioni special në Shqipëri.
Është një punë e jashtëzakonshme e pakryer më parë e në veçanti e Komitetit të sistemit të akteve antimafia.
Bëhet fjalë për një arkiv kompleks dokumentar që do t’i mundësoj studiuesve, historianëve por dhe qytetarëve të thjeshtë të plotësojnë kuadrin pesëvjecarë 1996-2001 të Komisonit Antimafia në luftë kundër krimitt ë organziuar të brendshëm e të jashtëm e studimet mbi evolucionin e tij.
Ky arkiv përmban dokumente nga punimet e këtij komisioni, audicione, relacione, raporte, studime, konferenca.
Komisioni Antimafia i Parlamentit italian vendosi gjithashtu të bëj publik audicionin e ish Prokurorit të Antimafias Giovanni Falcone, në Palermo, por që i përket legjislaturës së X.
