“Janinës ç’i panë sytë” është një këngë popullore polifonike labe, e cila është kënduar nga zëra të ndryshëm qoftë vendor dhe të huaj, shkruan KultPlus.
Tanimë kjo këngë është dëgjuar edhe në Parlamentin e Mbretërisë së Bashkuar, atje ku është kënduar nga një grup anglez. British Polyphony Group kanë bashkuar zërat e tyre në zbërthimin e tekstit të kësaj kënge të njohur labe.
Kënga përmend ngjarje historike ndoshta të viteve 1840 – 1890 dhe ka për vendngjarje Janinën, pikërisht Pesë Puset (turq. Beşpınar, greq. Pentepigadhia), si një ish-zonë e jetës kulturore të shqiptarëve. Kënga i referohet Zenel Çelos nga fshati Horë-Vranisht që pasi vret pashain në tendën e tij zihet ne pusi.
https://youtu.be/ZaJMYj_wKlI
