Nga Anri Bala
1- Kjo proteste ka mungese te theksuar qytetarie, sepse padronet e foltoreve dhe megafonit, jane perjashtues dhe nuk pranojne askend ne rrezen e tyre te veprimit nese aderon ne nje parti politike. A thua se keta qe jane politikane nuk jane qytetare dhe nuk mbartin te njejtat probleme si gjithe te tjeret, edhe pse askush prej tyre nuk eshte ngjitur kurre mbi podium, madje kane heshtur ose kane folur perultesisht nepermjet rrjeteve te tyre sociale.
Sa zhgenjyese mund te jete per dike, te perjashtoj te vetmin politikan qe i eshte gjendur afer nga momenti i pare i nisjes se proteses e deri ne diten e 10, si Arlind Qori? A nuk ishte Arlindi, i vetmi subjekt politik, qe i’u bashkua protestes se qytetareve te Zvernecit, kur keta qe dalin sot bejne parade mode me megafon ne dore, pinin kafe dhe flinin gjume ne divanet e tyre?! Tani duan te vene ne “gjume” Arlindin pasi ky i fundit i zgjoi?
Në diten e pare se pane ku ishte dhe e bojkotuan bashke me shqetesimin e banorëve te Zvernecit… ndersa ne diten e dyte te protestes thirren parrulla kunder Arlindit… ne diten e trete i’u perveshen me megafon… E pse valle?!
Kur ai nuk kerkoi per asnje moment lavdi per veprimet e tij, qofshin keto politike? A nuk ishte Agron Shehaj qe mbeshteti protestuesit ne Rrjoll kur te tjeret pinin kafe dhe flinin gjume? Tani ti kerkon te largosh Agronin pse po kerkon doreheqjen e Rames, por jo se po kerkon drejtesi per banoret qe protestojne ne Zvernec, se… nese do ishte keshtu, Agronin s’mund ta perzesh prej aty?
2- Ka mungese qytetarie kur e quajne median dhe gazetaret “armiq te popullit” dhe ne fakt nuk lene rast pa treguar se keta ia dalin edhe vete pa median, qe s’eshte aspak e vertete. Madje po kthehen ne arrogant te pandreqshem te dehur nga afshet e turmave dhe po bejne te njejtin gabim qe beri ai qe keta i kerkojne te dorehiqet ne mandatin e tij te katërt, duke sulmuar gazetaret qe pasqyrojne protesten, sepse i ngaterrojne me pronaret e mediave. Gjykojne se jane pasqyruar ne mediat boterore prej instagramit te tyre dhe jo se ka nje axhende kunder interesave te investitoreve, kushdoqofshin ato.
3- Ka mungese qytetarie kur shajne dhe ofendojne nga dehja qe te jep “pushteti” vetem pse po degjohen, pa pasur vendimarrje, imagjino te kene me teper ne dore keta individe?! Per fat te mire, kjo specie eshte e vaket ne numer dhe sporadike, por duartrokitja e ketij kontigjenti te leviz nga boshti dhe qellimi … se pse nisi kjo proteste dhe pjesemarresit qe jane aty.
4- Ka mungese te theksuar qytetarie per faktin se duke qene numer i madh protestuesish, flasin me urrejtje dhe neperkembje per kedo tjeter qe s’eshte aty me ta, kur bejne xhirot e mbremjes ne qytet, se shqiptaret duhet te çohen nga kafja apo divani per te rrezuar Ramen apo Berishen, ne protesten qe vazhdon ne diten e 10-te te etiketohet si “Protesta e Zvernecit”…duke qene ofendues, imponues dhe perjashtues per nje pjese te mire te shqiptareve qe ndoshta e duan Ramen dhe Berishen, por me shume duan flamingot!
Pra nese protesta eshte me 10 mije veta ne shesh, eshte sepse flamingot “emigruan” bashke me endrrat e shume qytetareve qe kerkuan heqjen e trareve apo gardheve me gjemba nga plazhet, respektimin e prones, ekosistemit ne Zvernec e kudo ku s’duhet te preket, me Ramen apo Berishen…!
E pikerisht per mungesen e qytetarise dhe perjashtimit te protestes se flamingove qe perfundoi ne protesten e doreheqjes, protesta eshte me masive ne mbyllje te fjalimeve se gjate nisjes se saj. E ketu s’ka lidhje vapa, por qellimi, qe deri tani eshte i pakuptimte.
E ne qofshin 100 mije protestues ne shesh, per t’iu referuar disa pretendimeve absurde… do mjaftonte t’i futesh te gjithe ne stadiumin “Air Albania”, per te kuptuar qe nuk mbushin as gjysmen e tij… ndaj kjo proteste nuk krijon dot revolucion doreheqjesh por vetem “revolucion flamingosh.
Por edhe te pretendojme sikur te gjithe ne ate proteste jane 100 mije socialist dhe jane kthyer kunder Rames qe e votuan 1 vit me pare, nuk perkthehet ne mandat qeverises, maksimumi del force e 3 politike, qe nuk mjafton per t’i kerkuar doreheqjen pikerisht atij qe i dhane voten ne mandatin e 4 per ta bere Shqiperine me tra, gardhe me gjemba, e per ta trajtuat pronen publike si mall pa zot keto 13 vite ne pushtet…
Sigurisht mund te ktheheni pjese e gares politike per te kerkuar dhe bere marreveshje… por jo per tu imponuar! Ata qe thone te kunderten e kesaj nuk jane qytetare, por “miq qe ju duan te miren”, me qellim per t’iu perdorur ne emer te qytetarizmes! /Ekskluzive.al
