Nga Besi Bekteshi
Zonja Kokalari apo më mirë të them “udhëzuesja” e Sali B për kthimin i filozofisë politike të “trashëgimtares” jo legjitime të PPSH të quajtur mashtrushmërisht Parti Demokratike, në traditë konservatoriste është zhgënjyer nga zgjedhjet e forumit rinor Berishist!
Zonja Kokalari, paska kuptuar lëtyrëzimin demokratik të rrethrrotullakëve të Sali B në pjesën e rinisë dhe nuk e ka kuptuar dot në pjesën e “pleqërisë dhe grarërisë Berishiste”. Bukur, por është bërë dhe nervoz! E ka thënë:Berisha duhet të dalë tani dhe të thotë që kjo që ka ndodhur me forumin rinor nuk është mirë dhe do e zgjidhim. Përsërit garën dhe të gjithë ata që kanë manipuluar të merren masa.
Duhet të përjashtohet nga partia kushdo që ka bërë manipulime. I kam thënë privatisht dhe po i them publikisht Berishës”, u shpreh Kokalari. Po e marrë tekst te Gazeta SOT. E guximshme Kokalari. Megjithëse jashtë tashmë mundësisë për të bërë “amerikanizma” konservatorë në PD ku shumica e urrejnë atë sepse e para janë pjesë e intrigës post komuniste dhe e dyta protagonizmin e saj do ta kishin bërë copë por kur nuk flet Sali B ata rrinë urtë si dikur me Bashën.
Por po u nervozua Sali B me Kokalarin dhe lëshoi ndonjë nga të vetat zonja në fjalë jo të jetë konservatore amerikane nga Gjirokastra por sikur të jetë “krijuesja me patentë e konservatorizmit” do ta shpallnin – komuniste. Por zonja në fjalë nuk ka kaq shumë faj. Ndodh që mund të ngatërrohet një “konservator stalinist” si Sali B me një konservator tradicional politik!
Ndodh që hahaha ngjasojnë. Se mis vetëm znj Kokalari!? Për konservator politik të djathtë Sali B e njohin dhe klubi i dementëve dhe rrufjanëve në PD! Të parët se nuk dinë se ku bie me shtëpi “konservatorizmi” dhe të dytët se “konservator” e duan dhe një si Sali B që kritikonte për flokë të gjata dhe funde të shkurta studentët e tij kur ishte Sekretar Partie! E në këtë pikë në mos në të parët mbase te të dytët ka menduar Sali B dhe znj Kokalari. Në fakt duhet të hynte te kategoria e të tretëve që Sali B e njohin për konservator stalinist dhe enverist. Dakord?
