Gjykata e Apelit Gjirokastër ka lënë në burg pa afat mësuesin e shkollës “Ali Hajdini”, në fshatin Kalasë të Delvinës, Neshat Tepelena, që ngacmoi seksualisht të miturën në Sarandë.
60-vjeçari ka dalë sot para gjykatës së apelit e cila ka hedhur poshtë pretendimet e palës mbrojtëse se arrestimi i tij ishte kryer pa prova.
Kryesuesi i seancës Artan Banushi ka lënë në fuqi vendimin e Gjykatës së Shkallës së Parë Sarandë. Kërkesa për “burg pa afat” është bërë në seancën e sotme nga prokurori Alfred Agolli.
Neshat Tepelena u arrestua në fillim të muajit maj pas akuzave publike për ngacmime seksuale ndaj 2 vajzave të moshës 11 dhe 10 vjeç.
Por nga burimet mësohet se mësuesi me familjen e viktimës janë në konflikt për një pronë, ku organet e hetimit po vlerësojnë rrethanat e ngjarjes, për të dal në konkluzionet se ngjarja ka lidhje me pronën apo vajza është ngacmuar nga mësuesi./Ekskluzive.al
