Monika Kryemadhi i ka bërë ftesë të gjithë socialistëve të ndershëm që të bashkohen me LSI. Gjatë një takimi me strukturat e LSI në Vlorë, Monika Kryemadhi shprehu bindjen se pas Asamblesë së PS-së të zhvilluar dje, do të ketë një dyndje të socialistëve drejt LSI-së. Sipas saj, socialistët janë të pakënaqur me kryeministrin Edi Rama.
Natyrisht kjo është ëndrra delrante e Kryemadhit sepse në humner askush nuk vrapon me dëshirë.
Ja si vazhdon ëndërra e treguar nga ajo vetë:
“Përveçse ka rënë qeveria e Surrelit, njerëzit që ndihen më të frustruar, më të nervozuar dhe më të inatosur janë socialistët e ndershëm. Janë socialistët e ndershëm sepse janë ata që ndihen të përdorur dhe të shfrytëzuar. Janë socialistët e ndershëm që e kanë të domosdoshme riorganizimin e PS. Por ata nuk mund të presin riorganizimin nga një sekt kriminal, por ata janë të gatshëm për të vepruar dhe veprimi i tyre është për të rrëzuar këtë qeverisje, që nuk është gjë tjetër veçse një strukturë kriminale që mundohet të mbulojë me parfum erën e keqe.
Prandaj ju bëj thirrje sot që detyra e LSI në Vlorë, nuk është thjesht për të organizuar strukturat e saj në të gjithë Bashkinë e Vlorës por për të hapur dyert dhe për tu bërë mikëpritës të gjithë atyre socialistëve të ndershëm të cilët nuk e gjejnë më vetën pranë këtij sekti kriminal”.
