Monika Kryemadhi ka zbuluar përmbajtjen e një letre që gjoja Petrit Vasili i ka dërguar Departamentit Amerikan të Shtetit, ku sipas saj i kërkonte angazhimin total të Shteteve të Bashkuara të Amerikës në hartimin dhe në drejtimin e institucioneve që kanë të bëjnë me SPAK-un dhe Byronë e Hetimit.
Sipas Kryemadhit, përgjigja e Ambasadës Amerikane ka qenë “Faleminderit”, nga DASH gjithashtu dhe iu kanë komunikuar se janë të gatshëm të bashkëpunojnë. Por sipas Kryemadhit kjo është një nga arsyet që u hoq Vasili.
“Një 15 shkurt të 2017, Petrit Vasili ministër Drejtësie i asaj kohe, i ka dërguar një letër SHBA-ve, Ndihmës/sekretarit të DASH Brownfield, ku i kërkon angazhimin total të Shteteve të Bashkuara të Amerikës në hartimin dhe në drejtimin e institucioneve që kanë të bëjnë me SPAK-un dhe Byronë e Hetimit. Përgjigja nga Ambasada Amerikane ka qenë “Faleminderit” dhe nga DASH gjithashtu dhe që janë të gatshëm të bashkëpunojnë, por kjo është një nga arsyet që u hoq Vasili si ministër .
Pse jemi sot ne këtu? Jo është vonuar, por është sabotuar nga mazhoranca”, u shpreh Kryemadhi.
