E ftuar dje në emisionin e pasdites “Rudina” ishte këngëtarja e njohur Ertila Koka e cila së fundmi ka publikuar një projekt të ri muzikor, në bashkëpunim me këngëtarin ndërkombëtar, Adam Clay që njihet për hitet e tij botërore “Babilonia” dhe “Beautiful life”.
Ertila tregoi se dëshironte të vinte tek “Rudina” që në nëntor, por nuk mundi edhe për shkak të tërmetit. Ajo tregoi se e kishte përjetuar mjaft keq atë periudhë dhe u përlot.
“E kam përjetuar shumë keq. Isha në Milano. Nuk kam qarë ndonjëherë një javë në jetën time, sepse merrja familjen gjithë kohën”, u shpreh Ertila.
