sh-kryebashkiaku i Shkodrës, Bardh Spahia i ka kërkuar Benet Becit të japë dorëheqjen. Përmes një reagimi në rrjetet sociale, Spahia i kërkon pasuesit të tij që të largohet nga posti, pasi më 14 Maj përdori bandat për ta fituar kryeqendrën e veriut.
“Kreu jozyrtar i shtabit elektoral të Benet Becit rezulton të jetë një nga të arrestuarit e SPAK-ut, i cili gjatë fushatës në Shkodër, drejtoi operacionin e blerjes, manipulimit dhe intimidimit të qytetarëve për llogari dhe me porosi të Edi Ramës dhe Benet Becit”, shkruan ai.
Më tej, Bardh Spahia i bën thirrje SPAK që të veprojë edhe për përgjigjet që ka në dorë, sipas Bardhit, pasi ato janë një thesar që dokumentojnë atë që ai e quan masakër elektorale në Shkodër.
“Kam një thirrje dhe për Benet Becin! Të mos fshihet më pas Edi Ramës! Shkodra nuk e meriton dhunimin nga bandat që ti dhe Edi Rama përdorët për të marrë pushtetin. Sot është dita të ndjejë peshën e turpit por edhe atë të ligjit, të heqë dorë nga pushteti…”, vijon ai.
