Kuvendi i Shqipërisë me anë të një kërkese drejtuar Presidentit Ilir Meta, kërkoi miratimin e projektligjit “Për eurobondin që do të emetohet nga Ministri i Financave dhe Ekonomisë”.
Ndërkohë sot Presidenca ka kthyer përgjigje duke mos e dhënë pëlqimin e saj për projektiligjin në fjalë.
Sipas Presidentit Meta, nga shqyrtimi i kësaj kërkese rezulton se, qeveria shqiptare synon t`i drejtohet për herë të katërt tregjeve ndërkombëtare të kapitalit me instrumentin eurobond, për të siguruar një Eurobond deri në 650 milionë euro me maturim 7 deri 10 vite, që siç relatohet nga Qeveria në relacionin shoqërues të projektligjit, ky instrument do të jetë në përputhje me objektivat e Strategjisë Afatmesme të Menaxhimit të Borxhit Publik.
Më tej Meta në kthimin e përgjigjes thekson se në këto kushte, kërkesa për dhënien e pëlqimit për hyrjen në fuqi të ligjit menjëherë, rezulton e pajustifikuar.
