Zëvendëspresidetja amerikane Kamala Harris ka bërë një gabim në postimin e saj në Twitter të martën në mbrëmje.
Ajo shkruante se SHBA po mbështet Ukrainën kundër forcave pushtuese ruse për shkak se qëndron në mbrojtje të aleancës së NATO-s duke thënë gabimisht se Ukraina ishte anëtare e bllokut prej 30 anëtarësh.
“Kur isha në Poloni u takova me anëtarët e shërbimit amerikan dhe polak duke i falenderuar ata që qëndruan me aleatët e NATO-s për lirinë paqen dhe sigurinë. SHBA qëndrojnë me vendosmëri me popullin ukrainas në mbrojtje të aleancës së NATO-s”, thuhej në postimin e saj.
Postimi u fshi rreth orës 20:30 dhe më pas u pasua nga një tjetër postim i edituar. “Kur isha në Poloni u takova me anëtarët e shërbimit amerikan dhe polak duke i falenderuar ata që qëndruan me aleatët e NATO-s. SHBA qëndrojnë me vendosmëri në krah të popullit ukrainas dhe në mbrojtje të aleancës së NATO-s”.
