Ultimtimi ndaj “kaposh-trimoshit” Ilir Metaj, ishte i qartë e përfundimtar: – Të heqë dorë nga kodoshllëqet, për bllokimin e reformës në shërbim të mafies, të mbyllë sqepin dhe të firmosë çdo pike e strukturë të kësaj reforme, që nuk bëhet nga Gjin Gjonët, Zaganjorët dhe Tit Vasalët
Nuk ishte dëshirë, madje mund të quhet “ditë zie” për Ilir Metajn, fakti që SHBA-BE, pas shumë tangërllëqesh prej “të forti”, nuk e toleruan më tej këtë halabak me detyrë president, por e “kapën për veshi”, e ulën në tavolinë dhe e detyruan, të zhbllokonte krizën e organeve të reja të refomës në drejtësi, kontigjent i të cilës, do jetë vetë i pari.
Megjithëse “tellall-zyra” presidenciale, e paraqiti “mendimin” për deklaratën e Ambasadës ë SHBA lidhur dekretimin e Ministrit të Brendshëm, si gjoja “mirëkuptim dhe detyrë bashkëpunuese e presidentit Metaj”, realisht ishte një detyrim pa alternative e pa debat, që i bëri SHBA, për të mos vazhduar akrobacitë për të pegnuar reformën.
Kështu e paraqiti presidenca, edhe takimin me Eurodeputetin Knut Fleckeinstein, i cili në emër të platformës për reformën në drejtësi, i dha ultimatimin e fundit “kaposh-trimoshit” Ilir Metaj, duke e paralajmëruar, të linte kodoshllëqet, të mbyllte sqepin, të ulte hundën e të firmoste çdo pikë dhe strukturë të kësaj reforme, që nuk bëhet nga Gjin Gjonët, Zaganjorët dhe Tit Vasalët, por nga SHBA-BE.
Provën e parë të “uljes së hundës”, e pamë vetëm pak orë pas “kujtesës” që i bëri SHBA dhe pas “vizitës”, që i bëri Eurodeputeti Knut Fleckeinstein, kur “trimi” Ilir Metaj, firmosi dekretimin e hapjes së procedurave, për plotësimin e vendeve të mbetur bosh në Gjykatën Kushtetuese, nga pastrimi i gjyqtarëve, të emëruar prej tij, Topit, Nishanit e Berishës, me pagesa milionëshe dhe si mburojë, për vehten dhe si “kubure”, për kundërshtarët e tyre.
Nëse Monika e hoqi “mbikalimin” e hundës, me opeacion plastik, që ka kushtuar sa fondi vjetor e Bashkisë Skrapar, Ilir Meta e “uli hundën”, vetëm nga 1“fjali” e SHBA-BE./Pamfleti
