Monika Kryemadhi ishte ditën e sotme në Fier ku u takua me struktura të partisë së saj atje. Gjatë fjalës së saj Kryemadhi deklaroi se protesta e së premtes do jetë bashkimi më i madh kombëtar kundër së keqes. Ajo deklaroi se nuk është e suprizuar nga përgjimet e Bild pasi ato paraqesin vetëm majën e ajsbergut të krimit elektoral në vend.
“Protesta e së premtes bashkimi më i madh qytetar kundër së keqes. Të gjithë bashkë ta ndryshojmë këtë realitet të dhimbshëm. Kryemadhi: Qeveria një amalgame e krimit të organizuar me dhunën, arrogancën, grabitjen e taksave dhe pandjeshmërinë njerëzore. Nuk jam e surprizuar nga përgjimet e Bild.
Bild paraqet vetëm majën e ajsbergut të krimit më të madh elektoral në ndonjë vend evropian. Bashkëpunëtorë në këtë vepër kriminale Edi, ministrat, shefat e policisë, gjithë administrata shtetërore. Me këtë qeveri nuk hapen negociatat. Rama po nxit gjakderdhjen mes shqiptarësh. Gjithçka që t’i japim fund këtij skenari ogurzi.
Rama është gati të sakrifikojë të ardhmen e Shqipërisë për karrigen e tij. Këmbët e karriges së thyer të pushtetit, dhuna, varfëria, krimi i organizuar dhe oligarkët e oborrit. Në betejën tonë për dinjitet, barazi ekonomike, integrim evropian nuk ndal asgjë.
Fakte edhe më të rënda se përgjimet e Bild do dalin shumë shpejt për këtë qeveri të gangsterëve. Rama i frikësuar deri në palcë nga drejtësia. Askush nuk e shpëton dot Ramën, as sot, as nesër”, tha Kryemadhi.
