Mjerë shqiptarët, që kanë një opozitë të degraduar, kreët e të cilës, për pazare financiare dhe mos ndëshkime ligjore, po i bëjnë “fresk” qeverisë “Rama”, me luftë false, gjoja kundër krimit e korrupsionit, prej të cilit përfitojnë “thela” ata dhe familjarët e tyre.
Turp për militantët e PD, që vazhdojnë besojnë salirat, lulrat, gjunkshët, klevisët, palokët, bumçët e mulërat, të cilët recitojnë citate kundër korrupsionit e krimit qeveritar, por faktikisht, familjarët e tyre i kanë të punësuar me poste drejtuese, në “tepsinë” e pushtetit “Rama”.
Krahas Tritan Shehut, që ka gruan drejtore në Bashkinë e Tiranës, Rakip Sulit që ka 4 familjarë në KESH e ALUIZNI, sipas të dhënave zyrtare, rezulton se edhe deputetë e zyrtarë të PD, që mallkojnë gjoja korrupsionin me rrugët, kanë familjarë edhe në kupolën e Drejtorisë së Rrugëve.
Rast tipik, i luftës demagogjike, kundër korrupsionit me tenderin 20 milionë euro tek Unaza e Re dhe koncesionet hajdutërore, që Edi Rama i ka dhënë Bashkim Ulajt të PD e PS, “Vëllezërve Hysa” e Balilëve të LSI, Mond Begos të Taulant Ballës e shumë të tjerëve, është dhe deputetja “blu” Dhurata Çupi.
Në denoncimin shkresor, të dërguar në “PAMFLETI”, nga një grup militantësh të PD, thuhet se bashkëshorti i deputetes “blu” Dhurata Çupi, zoti Agron Tyli, në të 4 pushtetet Berisha-Xhuveli, Berisha-Metaj, Rama-Metaj dhe në pushtetin “Tepsia vetëm” të Ramës (PS), është Drejtor i Drejtoriseë së Shërbimeve të Brendëshme, në Drejtorinë e Përgjithëshme të Rrugëve.
Ndërsa bashkëshortja e tij, deputete e PD, vazhdon denoncon “egërsisht”, korrupsionin me tenderët dhe koncesionet e rrugëve, duke quajtur drejtuesit e kësaj drejtorie, “ hajdutë kukulla” në shërbim të kryemafiozit Edi Rama dhe kërkon, dënimin e tyre për falsifikime dosjesh e vjedhje të fondeve publike.
Madje, sipas letrës që ka ardhur në redaksi, thuhet se para pak kohësh, (ish)drejtori Afrim Qëndro, i ka ndryshuar pozicionin e punës burrit të deputetes dhe ai, në vend të largohet nga ajo “çerdhe krimi e hajdutësh”, siç e quan gruaja e tij, i ka kërkuar gjykatës, rikthimin në postin që kishte, me Çështje nr. 31154-04615-86-2018, datë 23.11.2018, Gjykata Administrative e Apelit-Tiranë./Pamfleti/
