Gjykata e Tiranës ka dënuar sot me 50 mijë lekë për shpifje kreun e Partisë Demokratike, Lulzim Basha.
Gjykata dha sot vendimin për padinë e Taulant Ballës, ndaj kreut të PD-së, duke e gjetur fajtor për akuzën e Shpifjes, për deklaratat e bëra nga Basha në lidhje me 3.4 milionë euro të kapura në Portin e Durrësit, verën e 2018-ës.
Pas vendimit Taulant Balla tha për mediat se ky është një vendim historik.
“Basha sot është shpallur fajtor dhe i detyrohet shtetit shqiptar të shlyejë dënimin që sot gjykata dha.
Do i kërkoja Bashës dhe PD-së që të heqin dorë nga kjo politikë bajate e bazuar në shpifje.
Ky vendim gjykate të jetë një moment që PD të reflektojë në marrëdhënien ndërinstitucionale që ka qoftë me maxhroancën, qoftë me Kuvendin apo institucionet e tjera”, deklaroi kreu i grupit parlamentar të PS-së, Taulant Balla.
