Kryeministri Edi Rama ka shpalosur vizionin e tij për mandatin e tretë dhe Shqipërinë e vitit 2030 gjatë Kongresit të jashtëzakonshëm të Partisë Socialiste.
Ndërsa listoi disa nga përparësit, kreu i qeverisë u shpreh se synimi kryesor është çlirimi i administratës nga punësimet larg meritës.
“Kemi gjëra për të thënë për mandatin e tretë, pak muaj përpara nisjes së tij. Programi për mandatin e tretë do të prezantohet nga ministra.
Fitorja e mandatit të tretë tashmë është pjesë e historisë së PS dhe historisë së zgjedhjeve. Sot na përket vetëm detyrimi ndaj vendit dhe njerëzve të zakonshëm, fëmijëve që ushtrimin e mandatit të tretë të sigurojmë një kapërcim historik.
Kjo fitore historike ka sjellë një përgjegjësi historike. Shqipëria duhet të ngjitet në majën ku e meriton. Ta bëjmë Shqipërinë një vend kampion në energji, turizëm, invacion.
Me dinjitet të lartë kombëtar, ku Shqipëria është e para, por ku marrëdhëniet me aleatët janë të forta. Kjo e gjitha do të nisë që nga marrëdhënia me kundërshtarin tonë politik, por pa harruar marrëdhëniet me publikun. Dua që në mandatin e tretë të shënohet një hapje e re për njerëzit duke i përfshirë ata.
Dua që populli mos dëgjohet një herë në 4 vjet, por të paktën 1 herë në vit nga të zgjedhurit. Duhet ta shpëtojmë këtë vend nga punësimet në shtet larg meritës.
Të çlirojmë institucionet nga tentakulat e interesave që mbrohen në emër të partisë, por që cenojnë shtetin dhe pengojnë vetë misionin e PS”, tha kryeministri.