Drafti ua mundëson qytetarëve me pasaporta të Kosovës të udhëtojnë pa viza drejt BE-së për 90 ditë në periudhë gjashtëmuajshe. Nën kushtet aktuale, liberalizimi i vizave do të nisë në datën e nisjes së sistemit ETIAS dhe në asnjë rast më larg se 1 janari 2024.
Ishte hera e parë kur një vendim i procesit të liberalizimit u lidh me dialogun në mënyrë direkte. Siç pati mësuar KOHA, fillimisht ka kaluar teksti i vendimit në grupin e këshilltarëve për viza dhe ishte vendosur të jetë në rend dite në Coreper – ambasadorëve të vendeve anëtare, që të miratohej edhe formalisht pa diskutim.
Më vonë, në mbrëmje, një ditë para takimit, Presidenca Çeke njoftoi se e ka hequr nga rendi i ditës.
Pas votimit të ambasadorëve, çështja e liberalizimit kalon në Parlament Evropian dhe në Komision Evropian. Por të dyja janë deklaruar pro liberalizimit të vizave për Kosovën. Komisioni Evropian qysh në vitin 2018, ka konfirmuar se Kosova i ka përmbushur gjitha kushtet për liberalizim të vizave.
Mirëpo nuk ka asnjë vendim apo plan se si do bëhet me 5 shtetet e Shengenit që nuk e njohin shtetin dhe pasaportën e Kosovës. A mund të udhëtohet pa pasaport gjëkundi?! Duhet njohja dhe pastaj liberalizimi.
