Ahmet Muça, ose siç njihet Meti i Kristalit është vënë në pranga nën akuzën e falsifikimit të diplomave përmes ‘fabrikës universitare’ që ai drejtonte me emrin ‘Kristal’.
Muça prej dy muajsh mësohet se ishte vënë nën hetim në akuzën e ‘falsifikimit të diplomave’. Universiteti Kristal ka më shumë se 3 vite që është mbyllur me vendim të qeverisë Rama, por pavarësisht këtij fakti, Muça në muajt e fundit kishte vijuar që të shiste disa diploma me vlera që variojnë nga 2500 euro e lart.
Më heret, Muça u shpall në kërkim nga policia edhe për vjedhje të energjisë elektrike.
Çfarë e lidh Presidentin Ilir Meta dhe partinë që ai krijoi LSI me Universitetin KRISTAL?
Ky universitet është akuzuar shpesh herë për lidhje të afërta me LSI-në. Kujtojmë edhe skandalin, ku ish-zv/ministrja e Arsimit Nora Malaj, në CV e saj në Ministri, deri në vitin 2012 tregonte që ishte ende Shefe e departamentit të çështjeve sociale në këtë universitet.
Në atë kohë, Malaj u justifikua duke thënë se ka harruar që të ‘rifreskonte’ CV e saj. Po në këtë vit, (në prag të zgjedhjeve të 2013-es), Universiteti Kristal ishte në hetim nga Ministria e Arsimit për falsifikim diplomash, pas skandalit të Enzo Bossi-t.
Megjithatë, kjo nuk e pengoi që Nora Malaj e shoqëruar nga Vangjel Tavo, që të shkojnë dhe të reklamojnë punën e Arsimit në ambjentet e Kristalit për arsimin privat. Sipas të dhënave të publikuara nga Instituti i Studimeve Politike në vitin 2014, rezultoi se shumica absolute e deputetëve (79) kanë mbaruar studimet e tyre bazë ose edhe të avancuara në universitetet shtetërore të Tiranës.
Tek universitetet vendore në vendin e dytë janë deputetët e diplomuar në Universitetin e Shkodrës, ndjekur nga universiteti privat “Kristal”. Numri i deputetëve tek ‘Kristal’ ishte dyfish më i madh, por për shkak të debatit mediatik mbi cilësinë e diplomës disa prej tyre kanë preferuar ta heqin nga CV e tyre këtë të dhënë.
Pra, me plot gojë, mund të themi që policia ka arrestuar ‘mësuesin’ e deputetëve shqiptarë. Le ti kthehemi edhe njëherë lidhjes Kristal-LSI!
LSI ështën johur për lidhjet e ngushta me këtë Univeristet. Le të kujtojmë skandalin e videos Meta-Prifti. Në kohën kur Top-Channel publikoi skandalin e videos, u kërkuan ekspertë ndërkombëtarë që të verifikonin filmimet. Pasi rrëzoi ekspertizën e dy ekspertëve të huaj, një amerikan e një britanik, për videon e ish-kryetarit të LSI, Gjykata e Lartë caktoi tre ekspertë shqiptarë.
Pra Gjykata e Lartë vlerëson se shqiptarët janë më të aftë se britanikët apo FBI. Por sipas një shkrimi të botuar asokohe nga gazeta “IDEA”, 2 prej ekspertëve (të caktuar nga Gjykata e Lartë) për videon Meta – Prifti ishin staf i këtij universiteti, pra Kristalit të Metit.
Ardian Pollo, (shef i Departamentit të Elektronikës në Universitetin Kristal) dhe Ermal BEQIRI, (drejtor i Teknologjisë së Informimit në Rektoratin e Universitetit të Tiranës dhe pedagog informatike në Universitetin Kristal)./Pamfleti.com
