Zbulohen detaje dhe lëvizje të tjera rreth investimit të parave të korrupsionit në pasuri të paluajtshme nga Ilir Meta dhe Monika Kryemadhi, i njohur si çifti më i korruptuar në Ballkan.
Fillimisht Ilir Meta kaloi të gjithë pasurinë e deklaruar në emrin e Monikës, me qëllim që, nëse një ditë do të vinte ora e drejtësisë, të shpëtojë njëri. Por, edhe Monika Kryemadhi, në pasurinë e krijuar me para të pista, ka përfshirë mamanë dhe vëllain e saj, me qëllim për t’i shpëtuar veprimit të drejtësisë.
Sipas burimeve të sigurta, Monika ka bërë mamanë e saj pronare me letra të vilës në Gjirin e Lalëzit. Imagjinoni një të moshuar që më parë ka shitur qepë në Qytetin Studenti, të ketë në pronësi një vilë me vlerë rreth 5 milionë euro! Mamaja e Monikës ka qenë shitëse ambulante në Qytetin Studenti, një punë kjo e nderuar, por që nuk mund të justifikojë pallate dhe vila.
Monika e ka implikuar nënën e saj në historinë e pallatit. Monika ka bërë letrat sikur pallatin që ka në Laprakë e ka në bashkëpronësi me të jëmën. 400 m2 ambiente të pallatit në Laprakë ka bërë letrat sikur i ka ndërruar me vilën në Gjirin e Lalëzit.
Nga ana tjetër, vetë vila ka një vlerë më të madhe se të gjithë pallati, ku Monika pretendon me letra se ka 33 % . Pallatin e ka ndërtuar me burrin e Gentiana Sulës, Gentian Sulën, me të cilin dyshohet se ka ndërtuar edhe tek Kodra e Diellit.
Në përpjekjen vulgare për të kamufluar pastrimin e parave të pista, Monika Kryemadhi ka implikuar edhe vëllain e saj, për të cilin thotë se i ka falur 700 m2 tokë, në vendin ku ka ndërtuar pallatin.
Fillimisht, Monika e ka deklaruar pallatin në emrin e saj, duke bërë letrat sikur 700 m2 tokë ia ka falur vëllai dhe 500 m2 të tjera i ka blerë gjoja me kredi, duke lidhur më pas një kontratë me Gentian Sulën për të bërë ndërtesën. Duke parë se kjo skemê ishte tepër e trashë, e pabesueshme dhe e rrezikshme, ka implikuar mamanë e saj.
Pa futur asnjë lek nga xhepi, Monika Kryemadhi bëri pallatin dhe vilën në Gjirin e Lalzit, ndërsa SPAK vijon të heshtë. Me para të pista, Monika Kryemadhi dhe Ilir Meta kanë blerë edhe një apartament 400 mijë euro në Tiranë. Dhe kjo është vetëm maja e ajzbergut e pasurisë së tyre./Pamfleti
