Kryetari i Partisë Demokratike Lulzim Basha teksa akuzoi sot Ministrin e Infrastrukturës dhe Energjisë se kishte qenë në SHBA në kohën kur është krijuar kompania e cila ka fituar me letra të falsifikuara tenderin e lotit të parë të Unazës së Madhe të Tiranës duket se ka shigjetuar gjithashtu kolegen e opozitës Monika Kryemadhi.
Ministri i Infrastrukturës rezultoi të kishte qenë Washington dhe New York e jo në atë shtet ku është regjistruar kompania. Gjithashtu, ministri ndodhej në një vizitë zyrtare ku kishte zhvilluar takime me autoritetet e larta në Departamentin e Shtetit dhe Departamentin e Energjise, të dokumentuara me foto.
Nëse ecim me logjikën e Lulzim Bashës se po të jesh në një nga Shtetet e Bashkuara të Amerikës në të njëjtën kohë je fajtor, atëherë Basha duhet të dijë se në të njëjtën kohë kur ministri i infrastrukturës ka qënë në ShBA, aty ndodhej për një axhendë private kryetarja e LSI Monika Kryemadhi dhe Petrit Vasili.
