Muli ishte sot shumë entuziast nga lajmet që dilnin nga SPAK. Më në fund Rozeta, pastruesja e famshme që ka fshirë shumë pare në disa shtëpi, kishte arritur të vendoste komunikim me Doktorin dhe e kishte përdorur para prokurorëve.
Doktori ka dy javë që flet çdo ditë publikisht duke thënë që lekët pastrueses ja ka dhënë vet e zonja që t’ia fshehte. Dhe sot Rozeta ua ka dhënë këtë version prokurorëve
I lumtur që më në fund Rozeta ka vendosur komunikim me Doktorin, thirri Lelon ta shpërndante sa më shumë si lajm.
-Doli siç tha Doktori , i tha Muli. Rozeta nuk ja ka vjedhur lekët. Alda ja ka dhënë vet ti ruaj në shtëpi dhe ka bërë sikur i kanë humbur. Na duhet ta përhapim këtë.
-Ta mendojmë tha Lelo se mos na del më keq.
-Po pse do na dal më keq.
-Po se ne na duhet heroinë kjo pastruesja, jo bashkëpunëtorë e të korruptuarve. Deri tani e kemi paraqitur si përmbaruese, jo si pastruese. Tani si bashkepuntore na bie kauza.
-Ke të drejt tha Muli. Po si ta bëjmë këtë lajmin që Doktorit i doli fjala.
-E vetmja mënyrë është ta quajmë Rozetën bashkëpunëtore të Doktorit dhe të themi se opozita ka rekrutuar gjithë pastrueset e ministrive dhe deputetëve dhe do tu grabis lekët që i kanë marrë popullit.
Po shumë mirë është kjo. U hyn paniku. Në fund të fundit detyra e opozitës kjo është të mos erë qeverinë ti vjedh popullin. Kur nuk e ndalon dot ja merr lekët.
-E drejt tha Lelo. Por po quajtëm Rozetën bashkëpunëtore të Doktorit dhe ky Charles i FBI njësoj si Rozeta ka vepruar, u ka marr lek këtyre njerëzve në hall në Shqipëri, dhe nuk guxojnë të thonë që u ka marr lek njësoj si Rozeta dhe Doktori. Bëhen treshe e fort shumë.
