Pas deklaratës së kreut të Ballit Kombëtar, Artur Roshi si dhe deputetëve Besnik Troplini, Fatjona Dhimitri e Suzana Topi se do të votojnë pro draftit të marrëveshjes zgjedhore që do të futet për t’u miratuar në seancën plenare në datë 23 korrik ka reaguar deputeti Myslim Murrizi.
Në një postim në Facebook, Murrizi thotë se sado që të përpiqen për të arritur numrin 84 për të votuar marrëveshjen, nuk do t’ia arrijnë kurrë.
Ai ka komentuar dhe kërkesën e zëvendëspresidenti ië CDU/CSU-së gjermane, Johann Wadephul, për votimin e marrëveshjes së 5 qershorit, duke deklaruar se ka ikur koha kur gjermanët jepnin urdhëra.
“Hajdutët e politikës shqiptare dhe spurdhjakët politikë që harxhojnë paratë e vjedhura për të gjetur suflerë nga jashtë për të ruajtur karriget e pushtetit nuk mund të mbajnë peng 5 milionë shqiptarë.
Koha kur nje gjerman i jepte urdher Europës ka perenduar me date 9 maj 1945. Shqiperia dhe shqiptaret nuk hyjne ne BE nga firma e asnje hajduti qe kane mbajtur Shqiperine jashte Europes prej 30 vitesh.
Delirantë qe mbajne ne xhep vula partish dhe ju duket vetja si parti politike nuk mund te hiqen si shpetimtare te vendit dhe si faktore qe fusin Shqiperine ne BE.
Sado te perpiqen trastaxhinjt per te arritur numrin 84 me vemje pa pigment, pa kellqe dhe pa moral ne kundershtim me ate qe vete kane deklaruar prej 13 muajsh
Kurr nuk do t’ia arrijnë dot.
Shqiptaret duan listat e hapura dhe nuk mund ti ndalojne dot nje grusht individesh qe jane sot ne parlament por prej 25 vitesh kane kaniduar per drejtor.
Deklaratat e sotme te 6 deputeteve legjitimon kthimin zyrtar te PD dhe LSI ne Kuvend.
Tashme “ kauza” e 20 shkurtit 2019 kur PD dhe LSI dogji mandatet, paska qene hakmarrje ndaj deputetëve qe ishin ne Kuvend deri ne ate kohe.
I uroj suksese rikthimit te PD dhe LSI ne Parlament, por duhet te rihapin tenderin per te gjetur edhe 1 deputet tjeter qe te arrijne formimin e nje grupi parlamentar miks me emrin PISDAL”, shprehet Murrizi.