Deputetja më e re, e dalë nga zgjedhjet e 11 Majit, Marjana Koçeku ka nisur reagimin e saj me një falenderim dhe kërkese ndjese për 18-vjeçarin Aron Balaj, i cili u dhunua së fundmi nga ish-shefi i Rrugores në Vlorë, Adrian Isufi dhe miku i tij Leart Bimo (person me precedent kriminal).
Marjana përmes këtij postimi është bërë “një” me Aronin, pasi ashtu sikurse dhe i riu, edhe socialistja e di fare mirë çfarë do të thotë të punosh me orë të tëra, turnet e gjata, tavolinat e shumta, klientët e padurueshëm dhe lodhjen e stërgjatë që të jep puna gjatë fluksit të sezonit.
Më tej ajo thekson faktin se ashtu si dhe i riu kamarier, të gjithë ata që përballen me situata të tilla, duhet të ngrenë fort zërin dhe t’i tregojnë çdo “maskarai” që askush nuk është mbi ligjin.
“Reagimi i fortë i opinionit publik asht shpresë, por na duhet me folë edhe ma shumë, që institucionet me veprue si duhet. Jam e bindun se ka edhe raste tjera, por reagimi shembullor sot duhet me i tregu çdo maskarai se askush s’asht mbi ligjin”, shkruan ajo ndër të tjera.
Reagimi i plotë i deputetes:
Qysh 12 vjeçe kam nisë me i sherbye miqve dhe vazhdoj edhe sot te bujtina jonë familjare ,pa turp, por me dinjitet e me knaqësi.
Ti, Aron, e nxore në dritë nji realitet të dhimbshëm: aty ku nji pakicë burracakësh hala në kyt vend përçmojnë ma të dobtin, ma të vorfnin, apo at që t’sherben.
Reagimi i fortë i opinionit publik asht shpresë, por na duhet me folë edhe ma shumë, që institucionet me veprue si duhet. Jam e bindun se ka edhe raste tjera, por reagimi shembullor sot duhet me i tregu çdo maskarai se askush s’asht mbi ligjin.
Une i di turnet e gjata, tavolinat e shumta e klientat e padurueshem e lodhjen e stergjate te sezonit. Nderkoh me kulture e plot fisnikeri ju pergjigje nji akti dhune qe duhet t’jet e patolerueshme n’shoqnin tone.
Trauma jote, psikologjike e fizike, s’ka me shkue kot. Asht si nji flijim që ka me dhanë kontribut për me e ba kët vend pak ma të drejtë.
Uroj me zemer qe drejtesia të japi vendimin e duhun për këtë rast!
Na fal Aron Balaj, falemners Aron Balaj!
