Alkooli është bërë pjesë e kulturës së futbollit në mbarë botën dhe kështu do të jetë edhe në Katar gjatë Kupës së Botës, edhe pse në këtë vend konsumimi i alkoolit në publik është i ndaluar.
Kupa e Botës në Katar është e para që luhet në një vend me kufizime dhe tifozët që vijnë nga e gjithë bota nuk do të kenë lirinë që janë mësuar.
Kjo vlen veçanërisht për konsumimin e alkoolit para, gjatë dhe pas ndeshjeve, pasi konsumimi publik i alkoolit është i ndaluar në Katar.
Sidoqoftë, organizatorët bënë çmos që tifozët të mos mbesin pa birrën. Në pjesë të caktuara do të kenë mundësi të pinë edhe pak birrë.
Kështu, alkooli do të jetë i disponueshëm vetëm në vende të zgjedhura (bare hotelesh), dhe shitja e birrës do të lejohet në zonat përreth stadiumit. Megjithatë, tifozët nuk do të lejohen ta sjellin atë në stadium ose ta nxjerrin atë nga një zonë e caktuar përreth stadiumit.
Birra do të jetë e disponueshme edhe në zonat e tifozëve të organizuara nga FIFA. Do të jetë në dispozicion vetëm në mbrëmje, dhe çmimet do të jenë astronomike.
Kështu, një gotë gjysmë litri birre nga një fabrikë birre amerikane që sponsorizon FIFA-n dhe do të jetë furnizuesi do të kushtojë rreth 14 dollarë.
