Kongresi amerikan është mbledhur ditën e sotme dhe ka certifikuar fitoren e Donald Trump në zgjedhjet presidenciale të nëntorit, përballë nënpresidentes aktuale, Kamala Harris.
Kjo e fundit është përgjegjëse për kryesimin e numërimit të rezultateve nga secili prej 50 shteteve të vendit, duke e vënë Harris në pozicionin e certifikimit të humbjes së saj. • Numërimi i votave të Kolegjit Zgjedhor shkoi pa probleme dhe nuk pati kundërshtime apo shqetësime.
Trump dhe Vance fituan zgjedhjet me 312 vota elektorale.
Harris dhe kandidati i saj, guvernatori i Minesotës, Tim Walz, morën 226 vota elektorale. Harris regjistroi një video-mesazh që u publikua përpara certifikimit ku u shpreh se transferimi paqësor i pushtetit është një nga parimet më themelore të demokracisë amerikane.
Certifikimi i zgjedhjeve vjen në përvjetorin e katër të sulmeve të 6 janarit në Kapitol.
Procedura ishte për një kohë të gjatë një formalitet në procesin zgjedhor, por katër vjet më parë u shndërrua në kaos pasi mbështetësit e Trump hynë në Kapitol, duke plagosur rreth 140 oficerë policie, duke shkaktuar dëme në ndërtesë dhe duke detyruar ligjvënësit të strehoheshin për shkaqe sigurie.
Presidenti i zgjedhur ka thënë se do të kërkojë falje për të pandehurit e 6 janarit në ditën e tij të parë të kthimit në detyrë. Kongresi po merr siguri të shtuar federale për certifikimin e parë zgjedhor që nga sulmi i Kapitolit, pasi u caktua si një ngjarje e veçantë e sigurisë kombëtare.
