Kryetari i Grupit Parlamentar të Partisë Socialiste, Taulant Balla, ka bërë të ditur se ditën e nesërme, dy delegacione, një nga Parlamenti shqiptar dhe një nga Parlamenti Europian, do të zhvillojnë një vizitë në Zvërnec të Vlorës, ku do të shikojnë nga afër zonën dhe do të informohen mbi detajet e investimit që do të zhvillohet atje.
Komentet Balla i bëri në mbyllje të ditës së parë të takimit të 22-të të Komitetit Parlamentar të Stabilizim-Asociimit BE–Shqipëri.
“Mbledhja e radhës e Komitetit të Stabilizim Asociimit 25-26 maj në Strasburg, do të kemi përfunduar edhe zgjedhjet vendore, besoj zgjedhjet do të jenë në një nga të dielat 2 ose 9 maj siç e përcakton ligji.
Ndërkohë që nesër, seanca e tretë është përcaktuar si një vizitë në terren, do të shkojmë në Zvërnec për të parë nga afër zonën dhe për t’u informuar nga të gjitha autoritetet dhe përfaqësues vendorë, për të informuar eurodeputetët mbi të gjitha çështjet që lidhen me investimin në Zvërnec. Nisja nga Tirana në 08:15”, tha mes të tjerash Balla.
