Gazetari Lorenc Vangjeli ka komentuar përplasjen e ndodhur të enjten në Radhimë në hotelin e biznesmenit Vasil Bedinaj.
Sipas Vasilit, deklarata e policisë së Vlorës që flet për një gjobë prej 5 mln eurosh të vënë ndaj biznesmenit Bedinaj nga biznesmeni Luan Muça është një mashtrim publik.
“Është çështje pronësie. Dy qytetarë, dy biznesmenë që ushqejnë dhjetëra familje dhe paguajnë taksa, dhe ky shtet i ka lënë në konfliktin e tyre.
Edi Rama, që 13 vjet më parë erdhi me premtimin për zgjidhjen e çështjes së pronave, nuk arriti t’i jepte një zgjidhje, madje e përkeqësoi. Konfliktet e pronësisë janë zhvendosur në bregdet.
Në Radhimë vetëm fati shmangu tragjedi edhe më të rëndë. Njerëzit më dhanë shumë më tepër të dhëna se policia. Policia nuk flet me metafora. Nuk ka gjobë 5 mln euro. Ka një marrëdhënie shumë më të thellë mes tyre. Kur dikush merr statusin e investitorit strategjik, këto probleme i merr përsipër shteti, që do të duhej t’i dilte për zot problematikave të pronësisë. Njërin nga biznesmenët e njoh. Mund të ketë bërë 1001 gjëra, por nuk është gjobëvënës”, tha Vangjeli në emisionin Now në Euronews Albania.
