Ditën e djeshme dy aktivistë të Aleancës kuqezi, në kuadër të 106-vjetorit të Shpalljes së Pavarësisë, ngrenë flamurin shqiptar në Thesprotia, njësi rajonale e Greqisë me qytet qendror Igumenicën.
Ky akt simbolik është cilësuar si provokim, bazuar në raportimet e mediave helene.
“Ky është një provokim dhe të gjithë po pyesin se çfarë po bëjnë autoritetet që lënë ekstremistët shqiptarë të sillen në një shtet të huaj si në shtëpinë e tyre?!
Kjo është padyshim një përpjekje për të nxitur një klimë kundër Greqisë dhe për t’i dhënë zë Çamërisë, e cila pretendon për prona në fshatrat e prefekturës së Thesprotisë,” shkruan media greke “Tilestwra”
Pas raportimeve të mediave greke, pak minuta më parë dhjetëra forca policie të armatosura rëndë kanë rrethuar familjet e dy aktivistëve kuqezi që jetojnë në Greqi.
Të armatosur rëndë dhe me maska ata kanë vendosur në pranga autorët e ngritjes së flamurit shqiptar! Dje djemtë e Aleancës Kuqezi vendosën flamurin në Çamëri. Një muaj pas akteve terroriste në jug të Shqipërisë, rikthehet pas 70 vitesh flamuri në mëmëdheun etnik jugor.
Disa djem të veshur me uniformat e Aleancës Kuqezi kanë hyrë në zyrat dhe bazat e Agimit të Artë dhe kanë hequr flamujt grek duke vendosur flamurin kuqezi shqiptar. Policia i ka identifikuar pasi ka hapur kamerat e vendosura në zyrat e Agimit të Artë.
Në vigjilje të festës së Pavarësisë kjo ishte kundërpërgjigja ndaj akteve që një muaj më parë tronditën Shqipërinë në funeralin e minoritarit Kacifas që u vra në shkëmbim zjarri me forcat Renea. Nuk dihet ende nëse aktivistët e Aleancës kuqezi kane qenë dy apo më shumë persona./Shekulli
