Ish-deputetja e PD-së Lajla Përnaska ka kritikuar procesin zgjedhor të Partisë Demokratike ku ditën e sotme emri i saj nuk ishte pjesë e listës së demokratëve që duhet të votonin.
Përmes një reagimi ajo shprehet se “Një parti përjashtuese nuk mund të jetë kurrësesi fituese”.
Veç të tjerash ajo thekson:
“Në këtë ditë të rëndësishme për votimin e Kryetarit të PD, si anëtare e saj që nga viti 1995, Deputete Fituese ME VOTË, më 2005 dhe 2009 në Lagjen time, Njësia Nr. 2 Tiranë, Menaxhuese e fitores se Bashkisë Tiranë në këtë Njësi (2011), anëtare e Kryesisë së PD Tirane dhe PD Shqipëri (deri 2013), anëtare e Këshillit Kombëtar ( deri 2017), anëtare e Asamblesë Parlamentare në Këshillin e Europës ( 2005-2013) ,u paraqita pranë Komisionit të votimit në Selinë Qëndrore, që nuk lejoi ushtrimin e të drejtës së votës sime (nuk rezultokam në Listat e Kryetarit në detyrë).
I qëndroj bindjes sime se:
“ Njē Parti Përjashtuese, nuk mund të jetë kurrësesi Fituese”
Suksese në këtë sfidë garuesve realë të saj Edit Harxhi, Fatbardh Kadilli,Agron Shehaj.
Shqipëria do bëhet . ???????”, nënvizon ish deputetja e PD. (TemA)
