Idajet Beqiri ka risjellë dhe njëherë në vëmendje atë që ndodhi me vjedhjen e floririt në Krrabë. Sipas Beqirit me atë flori janë pasuruar dhe forcuar pozitat politike.
“Përveç kallëzimit për Metën bëra dhe kallëzimin për vjedhjen e floririt në Krrabë me dy të pandehur. Dy kërkova të ishin personat.
Cilën shumë të floririt vodhi Berisha në 24 mars të 1997-ës dhe sa vodhi Ilir Meta (Se këta thonë është thyer. Ajo është hapur me çelësa se aq e blinduar ishte. Përralla të gjitha. Ishte e organizuar nga Berisha, mori sa mundi dhe të njëjtën gjë bëri dhe Meta në dhjetor të 99-ës)
Me një pjesë të madhe të atij floriri janë blerë toka, vila. Një pjesë e mirë e floririt është depozituar jashtë, deri në Kongo ka shkuar. Veç Zvicrës ku e çoi badigardi i Metës floririn, të dy badigardët e Metës ikën shumë shpejt.
Me kancer thanë. Si Gazi Dede, si Linda Ihsani si badigardët e Metës dhe një numër i konsiderueshëm njerëzish që kanë ikur para kohe nga kjo jetë, por që kanë patur lidhje të ngushta me Berishën dhe Metën ata janë eleminuar.
Spak nuk e filloi çështjen penale për kallëzimin që bëra për floririn”, tha Beqiri.
