Avokati Idajet Beqiri ka folur për dosjen e SPAK “Plumbi i Artë”, ku me vendim nga Gjykata Kundër Krimit të Organizuar dhe Korrupsionit u lëshuan 32 urdhër arreste, nga të cilat 18 u ekzekutuan nga policia ndërsa 14 janë ende në kërkim.
Dy të penduarit e drejtësisë, Nuredin Dumani dhe Henrik Hoxhaj janë rrëfyer për të vërtetat që qëndrojnë pas gjithë këtyre operacioneve. Avokati tha se Policia e dinte shumë mirë ku ishte dhe çfarë bënte Dumani por nuk e kapnin sepse ishin dhe vetë të përfshirë.
“Ky nuk është një aksion që e bëri Policia se ja dinte krimet Dumanit. SPAK të mos ekzaltohet, nuk është meritë e tij. Dumani aty ka qenë, ka bërë mjaft vrasje e këta nuk e kanë zbuluar. Shteti dhe institucionet nuk duhet t’i varin shpresat tek të penduarit e drejtëssië.
Ne jemi ende në dorën e krimit. Këta persona janë kudo, madje dhe brenda policisë. Policët nuk u shmangen vetëm nga frika, diku janë bërë bashkëpunëtorë me ta”, u shpreh Beqiri.
