Dhëndri i Sali Berisha si dhe anëtari i Kryesisë së PD, Jamarbër Malltezi ka komentuar arrestimin e gazetarit Hermes Nikaj, i njohur si ‘Zogu i Tiranës’.
Përmes një statusi në ‘Facebook’, Malltezi ka publikuar një lajm ku tregohet se ‘Zogu i Tiranës’ përfitonte 700 Euro nata dhe shumë prej klientëve të zgjedhur ishin edhe diplomatë të huaj.
Malltezi shprehet se ‘Zogu’ e paska pësuar se hyri në monopolin e kryeministrit Rama.
‘Ky zogu e paska pesuar se hyri ne monopolin e Rames: seks ne grup me diplomatet e huaj eshte produkt ekskluziv i Rames dhe Mjaftit’, shkruan Malltezi.
Kujtojmë që Nikaj siguronte femra të ndryshme për klientë të interesuar për prostitucion, duke i dërguar ato në banesa ose hotelet sipas kërkesave të klientëve kundrejt përfitimit monetar që varionte nga 10.000 deri 20.000 lekë për 2 orë.
Rrjeti kriminal ku bënte pjesë gazetari përbëhej edhe nga tre persona të tjerë, mes të cilëve edhe pronarja e një qendre estetike në Tiranë.
