Ambasada e Shteteve të Bashkuara të Amerikës në Tiranë ka reguar pas vendimit të Gjykatës e cila dënoi me 55 vite burg bandën “Shullazi”.
Në një postim në faqen e saj zyrtare ambasada e cilëson vendimin e djeshëm një hap domethënës përpara për qytetarët shqiptarë që kërkojnë dhe meritojnë drejtësi të vërtetë nga sistemi i tyre gjyqësor.
Më tejh në njoftim thuhet se vendimi i marrë është një fitore për sundimin e ligjit në Shqipëri.
“Dita e djeshme shënoi një hap domethënës përpara për qytetarët shqiptarë që kërkojnë dhe meritojnë drejtësi të vërtetë nga sistemi i tyre gjyqësor.
Ne u inkurajuam nga puna e prokurorëve shqiptarë, të cilët, duke u bazuar në prova, bindën gjykatësit e Krimeve të Rënda se një bos i krimit dhe kriminelë të tjerë e kanë vendin në burg.
Përshëndesim shqyrtimin e kujdesshëm të këtij rasti.
Vendimi i marrë është një fitore për sundimin e ligjit në Shqipëri.
Qytetarët shqiptarë tani pyesin “Kush e ka radhën”?” – shkruan ambasada e SHBA në Tiranë.
