Në prag të largimit nga pushteti, zyrtarët e partisë presidenciale, po përlajnë gjithçka munden, nga pasuritë e komunitetit të zonës
Në Këshillin Bashkiak të Beratit, këshilltarët e PS, kanë bllokuar një skenar, të kryebashkiakut LSI-st, Petrit Sina, për të shitur në mënyrë ilegale e të përshpejtuar pa procedura ligjore, pronësinë shtetërore të “FK-Tomori”.
Këtë skenar, tentoi ta realizonte me “letra të bardha”, duke synuar të merrte miratim të shitjes, me shumicën e votave në këshillin bashkiak, vetëm me një kërkesë, pa projekt konkret privatizimi, por kërkesa u refuzua nga shumica socialiste, me akuzën “nxitim për të vjedhur”.
Vetëm 4 muaj, para ikjes nga detyra, kryebashkiaku i LSI, veproi pa dijeninë e askujt në këshillin bashkiak dhe në kundërshtim me ligjin, pa asnjë konsulencë me qytetarët beratas, sidomos me mbështetësit e ekipit “Tomori”, të cilët janë taksapagues e kontribues.
Sipas skenarit, është menduar shitja e 74% të aksioneve të “FK-Tomori”, për të cilat, kryebashkiaku deklaroi në mbledhje, se ka kërkesa e oferta konkrete, por nuk pranoi të tregonte në Këshill, se cilët ishin blerësit dhe ofertat e paraqitur.
Mos deklarimi i emrave të blerësve të interesuar dhe fshehja e çmimit të shitjes, ka krijuar dyshime tek këshilltarët socialistë, të cilët kanë bllokuar mbledhjen e Këshillit Bashkiak, duke denoncuar tek qytetarët beratas, skandalin e kryebashkiakut LSI-st, për t’u grabitur klubin futbollistik.
Sipas informacioneve, thuhet se blerësi “anonim” i “FK-Tomori” është Ilir Metaj, zaptuesi dhe shkatërruesi i Malit Tomor, por kryeu i bashkisë nuk e publikon qëlimisht emrin e tij dhe vlerën e shitjes, deri sa të marrë miratimin nga këshilli bashkiak, ku kjo kërkesë u rrëzua dhe u shty për debat, pas zgjedhjeve lokale.
Persona e qarqe të klanit “Metaj” në Berat, pas dështimit të skenarit, kanë nisur të bëjnë takime e negociata private, me anëtarët socialistë të Këshillit Bashkiak, për të pranuar organizimin e një mbledhje të veçantë, për votimin e projekt-vendimit, të shitjes së aksioneve të “FK-Tomori”, blerës i të cilit, siç “gumëzhin” gjithë Berati, rezulton se është Ilir Metaj./Pamfleti/
