Avokati Spartak Ngjela ka reaguar pas reagimit të Departamenti të Shtetit Amerikan në lidhje me akuzat e presidentit Ilir Meta ndaj ndërkombëtarëve.
Në një postim në “Facebook”, Ngjela shkruan se DASH ia bëri të qartë Metës se ai është antireformë dhe se SHBA e ka të qartë çfarë do të vazhdojë të bëjë Shqipëria.
“Sot, Departamenti Amerikan i Shtetit iu përgjigj me elokuencë Metës duke i thënë: Ti, zoti Meta, je antireformë. Por reforma do të vijojë se është jetike për Shqipërinë.
Ky është thelbi i përgjigjes. Ndërsa, për atë të shtetit të ambasadorëve në vend të shtetit të së drejtës, që tha Meta dje, DASH i tha se, “kryesor është zbatimi i ligjit”.
Presdent më të paturpshëm se ky, nuk do t’i vijë më Shqipërisë. Edhe Sali Berisha e humbi toruan në luftën e tij me Uashingtonin në vitin 1997, por, të gjitha absurditetet nuk i tha botërisht si president, por në telefon me ta.
Kurse Metën e kërcënon edhe penaliteti për shkelje të mëdha të ligjit, prandaj e ka kaq të madhe shthurjen mendore. Edhe DASh, kështu i thotë: “kryesorja është respektimi i ligjit”.
Nuk ndalohet dot kjo reformë, kot lodhet Meta. Dhe DASH njofton gjithashtu se Byroja Kombëtare e Hetimit është duke u ngritur.
Po Meta?
Tani do të kthejë… duke pritur fatin e tij drejt hetimit: kjo duhet të jetë rruga e tij. Të shohim…”, shkruan Ngjela./Fjala.al
