Partia Demokratike ka reaguar pas incidentit që ndodhi mesditën e sotme në selinë e ish-partisë së Bamir Topit, Fryma e Re Demokratike, ku u përfshi dhe Presidenti Ilir Meta.
PD e dënon incidentin si ‘akt brutal’, ndërsa e konsideron kryeministrin Edi Rama një politikan hakmarrës, që po nxjerr nga zyrat e veta anëtarët e FRD-së vetëm pse iu bashkuan koalicionit opozitar.
“Partia Demokratike dënon aktin bruta, të urdhëruar nga Edi Rama kundër partisë Fryma e Re Demokratike. Përdorimi i forcës policore kundër një partie politike është treguesi më domethënës se Edi Rama është kundërshtar i lirisë dhe i demokracisë.
Vendimi për të nxjerrë FRD-në nga selia për arsyen e vetme se doli në opozitë dhe iu bashkua koalicionit të PD-së provon se Edi Rama është një një politikan hakmarrës dhe i rrezikshëm për demokracinë dhe për qytetarët.
Edi Rama po vepron në panik, pasi ai e kupton më mirë se kushdo që është i humbur. Në 25 prill , pushteti i tij autoritarist, shteti i tij policor do të marrë fund! Qytetarët do të votojnë për PD dhe koalicionin tonë për të sjellë ndryshimin!”- thuhet në reagimin e PD-së.
