Është gazetari i tretë që humb jetën në Katar, për të zgjeruar listën e njerëzve të medias të cilët e mbyllin tragjikisht karrierën teksa po raportonin për ecurinë e finaleve të Kupës së Botës.
Të tre vdiqën gjatë mbulimit të lajmeve të Kupës së Botës në Katar. I fundit është Roger Pearce , drejtor teknik i kanalit anglez ITV Sport. Lajmi për vdekjen e tij vjen pas atij amerikan Grant Wahl dhe fotoreporterit nga Katari Khalid Al Misslam.
Njoftimi për vdekjen e tij në fakt daton në 21 nëntor, pak para ndeshjes Uells-SHBA, por ngjarja nuk kishte gjetur shumë hapësirë në lajme. “Ne kemi një lajm shumë të trishtuar për t’ju sjellë nga këtu në Katar – tha Mark Pougatch , reporteri i ndeshjes. “Drejtori ynë teknik, Roger Pearce, i cili ishte këtu për të nisur Kupën e tij të tetë Botërore, fatkeqësisht ka ndërruar jetë”.
Pearce, 65 vjeç , filloi karrierën e tij si inxhinier në Grampian TV dhe më pas në kanale të tjera ITV si TVS dhe Meridian, përpara se të kalonte në ato sportive me kohë të plotë në 2001, duke u bërë përfundimisht drejtor teknik i saj në 2008 .
Siç shpjegon Neil Stainsby , gazetar i BBC dhe miku personal i Pearce, ai do të tërhiqej nga karriera pas 5 javësh. “Është vërtet e trishtueshme të mësosh për vdekjen e mikut tim dhe ish-kolegut të ITV Meridian Roger Pearce”, shkroi Stainsby në Twitter. Ai ndërroi jetë në detyrën e tij të fundit në Katar para se të tërhiqej pas 5 javësh”.
Është ndoshta rastësi por nuk ka ndodhur që të ndërrojnë jetë tre përfaqësues të mediave gjatë mbulimit të Botërorit. Ka pasur nga mediat perëndimore edhe kritikat ndaj Katarit, për mënyrën e organizimit, aferat korruptive, si dhe mosrespektimin e të drejtave të njeriut. /Liberale.al/
