Një mërgimtar i revoltuar me pritjen e gjatë në kufirin Kosovë-Serbi ka shpërthyer duke sha e fyer shtetin e Kosovës.
Mërgimtari është shprehur i nervozuar para kamerës së T7, e gjuha e këtij mërgimtari ka bërë që të reagojë aktori dhe shkrimtari Çun Lajçi.
Ai shprehet i mërzitur me mërgimtarin që shau, ku thotë se po e shajnë shtetin ata që i kanë të gjitha të mirat ku jetojnë.
Lajçi shkruan se po i vjen rëndë kur po shajnë, pasi që po e shajnë shtetin dhe jo ata që e shkatërruan.
Ai i pyet se pse nuk po ia shani Serbinë policëve serbë?
Postimi i plotë:
Po ma shajnë shtetin
Po ma shajnë shtetin, do që i kanë të gjitha t’mirat atje ku jetojnë.
Po ma shajnë e qebesa mua po m’vjen randë!
Do që jetojnë përjashta po vinë n’Kosovë e po shfryhen tue sha kur gazetarët po i pysin se si kaluen n’Kosovë!
Ta q**sha shtetin po thonë kur po dalin n’Merdare. Jo kryeministrin, as kryetarin e partisë dytë e tretë. Jo, ata s’po i shajnë, po atdheun! E atdheu çfarë faji ka, kur e shkatërroi i unti, hajni, i forti, injoranti!
Çfarë shteti asht ky? Çfarë policie asht kjo, bertasin n’mikrofon?
E pse?
Se po kërkojnë me pasë ate që shteti im s’e ka! Fuqinë e ligjit zviceran e gjerman! Atyne m’ua sha shtetin e ke prekë gjarpnin!
S’di Serbia a e ka, se policëve serb nuk po ua shajnë Serbinë, as kur po i denojnë pse janë shipca, as kur po duhet m’ua dhanë për kafe 50 eu! Jo, se i pret hapsanja!
Vetëm shqiptari ngihet liri e s’përton me vjellë!
